منوعات

أكل شرقي يبقى «تاجوري»

أكل شرقي يبقى «تاجوري»

المصدر: الصفحة الرسمية لتاجوري على الفيس بوك

هو ده اللي علّم على كل المطاعم الشرقي بالنسبالي، هو مش أكل شرقي، هو أكل بيتي، كأنك عند خالتك بالظبط
بمعنى إن أي حاجة عندهم طعمها مظبوط وحلو لدرجة غريبة.
أولاً المكان مبهج جداً بألوانه والديكورات، ده غير إن في أيام بيبقى في عوّاد أو ناس بتطبخ قدامك، عموماً أنا قلت مش هكتب عنه غير لما أروح وأجرب أكتر حاجات ممكنة، روحت مرة من زمان وروحت مرتين ورا بعض اليومين اللي فاتوا.
لازم أساسيات المكان تتطلب الأول وبعدين شوف هتاكل ايه؛ بمعنى إن لاااااازم رز معمر، سادة أو لحمة، أولاً هو قاتل وغرقان قشطة وبينزل مبقلل من كتر السخونة، اللي باللحمة أحلى شوية عشان طعم اللحمة ودرجة تسوية اللحمة نفسه حلو أوي
واللي بيشارك المعمر أهميته، نجمة الملعب؛ الملوخية، مافيش حد جرّبها غير وقال اإها تحفة، هي مش ملوخية بطعم معين، حاجة كده ميكس بط على فراخ على لحمة على أرانب باين بس رهيبة.
أهم ما عند تاجوري العيش اللي شبه الفينو أبو سمنة ده، أنا بروح مخصوص عشان ده قبل أي شئ وكمان عيش في التومية،
بعد دول بقى شوف هتاكل إيه، الشوربة والمقبلات عادية – مش أحلى ماعندهم – فانا بقول فكك من الكلام ده وادخل على التقيل.
امبارح غامرت وطلبت نص بطة محشية رز، ومعاها رز بالشعرية مسقي يجنن بالملوخية، البطة صغيرة مش مليانة لحم أوي بس أكتر من كدة يبقى افتراء – بس لسة ما جربتش الحمام المحشي.
كفتة الخشخاش دي اختراع،  كفتة مشوية ببهارات أنا مش عارفة هى إيه وتحتها صلصة حمرا وفوقيها عيش كده عجينة شبه الصاج بس أحلى كتير، ولازم الصلصة دى تتحط على الملوخية بتعمل قافلة مش طبيعية.
جربت أول مرة ورقة اللحمة بالبطاطس وامبارح جربنا طاجن، درجة تسويتها حلو أوي كلحمة بس أنا ماليش في البطاطس المطبوخة والكاري فمش عارفة أقول رأى بس عجبت كل اللي أكل منها.
في الأخر بقى بعد مابتكون خلاص بتودع، يروح جاى مكمل عليك بطبق حلويات شرقية، ولو حظك حلو هيبقى فيه الكنافة النابلسية.
لو هنتكلم على النضافة والخدمة فـ10 / 10 بالرغم من إن كل المرات اللي روحت فيها كان ويك اند، فعلاً هايلين وخدمة سريعة وفي قمة الاحترام، أول مرة روحت خالص كان صاحب المكان موجود وكان مرحب بكل الموجودين وبيتابع معاهم بالرغم من الزحمة.
الأسعار مناسبة جداً وأقل من أي محل أكل شرقي تاني والأكل دايماً طازة.
المكان الوحيد اللي أقدر اقول إنه أحلى من أكل تيتة.

منوعات

مدير تنمية اعمال فى مجال تجارة البتروكيماويات. بما ان معظم اكلى برة..قررت اعمل صفحة البطة تأكل كـFood Blog عن تجارب شخصية للاكل فى الشارع او تجارب الاختراعات فى الطبخ. خريجة ادارة اعمال – الجامعة الالمانية عام 2007

More in منوعات

البوستر الخاص بالأمسية

ماتأخرناش: أمسية شعرية غنائية جديدة للشاعر أحمد حداد

شوارع مصر4 يناير، 2017
جزر الزبرجد

بعد أزمة جزيرتي “صنافير وتيران”.. أهم 4 جزر مصرية

شيرين عمر29 ديسمبر، 2016
كريمة عبود

كريمة عبود.. أول مصورة عربية في التاريخ

شيرين عمر28 ديسمبر، 2016
100799466-168639700-1910x1000

النساء يكتسحن الإقتصاد العالمي.. 39.6 تريليون إجمالي ثروات نساء العالم

شيرين عمر9 ديسمبر، 2016
مدينة مونتريال الكندية

أهم الوجهات السياحية في 2017 .. بينها دولة عربية

شيرين عمر8 ديسمبر، 2016
large-3024979570405379286

روسيا والأرجنتين .. دول قامت بـ«تعويم العملة» لإنعاش اقتصادها

شيرين عمر4 ديسمبر، 2016
ميلانيا ترامب - المصدر: Getty images

مُهاجرة وعارضة والسيدة الأولى .. من هي ميلانيا ترامب؟

شيرين عمر4 ديسمبر، 2016
n-smytabdalqadr-large570

«سمية عبد القادر».. عربية مسلمة تخترق المجلس البلدي الإيطالي

شيرين عمر25 نوفمبر، 2016

شوراع مصر هي شبكة اخبارية اعلامية مصرية شابة و مستقلة تهدف اساسا الي امداد القاريء بتصورات بديلة و مختلفة للاحداث في مصر و الشرق الاوسط , و لخلق منصات للتواصل الاجتماعي بين القراء لاستكشاف و مناقشة القضايا المختلفة التي تؤثر علي المنطقة . و شوارع مصر باللغة العربية تاتي تحت مظلة شبكة اعلامية تضم باللغة الانجليزية كل من شوارع مصر و شوارع لبنان و اخيرا شوارع اللاجئين. و تعد تلك الشبكة مصدرا موثوقا لعدد كبير من وسائل الاعلام العالمية نظرا لما تتمتع به من مصداقية و استقلالية اضافة الي تميزها من جيث تواصلها الدائم و المباشر مع قرائها من مختلف الاتجاهات و الجنسيات.

© 2016 ES Media UG. All Rights Reserved